ETOPAZ 
Lillardlı “Miluoki”dən uğurlu seriya
“Miluoki” cari mövsümdə uğurlu göstəriciyə imza atıb. “Baks” lideri Damien Lillardın 25 və ya daha çox xal topladığı görüşlərin hamısında qalib gəlib.
Komanda 6-cı belə uğuruna “Şarlott”la matçda nail olub. 130:99 hesablı qələbəyə Lillard 27 xalla töhfə verib.
Bunadək 5 belə oyun baş tutub. “Toronto”nu 128:112, “Detroyt”u 120:118, “Nyu-York”u 110:105, “Mayami”ni 122:114 və “Filadelfiya”nı 118:117 hesabı ilə məğlub edəndə də ulduz basketbolçu 25 xal səddini keçib.
