Lillarddan unikal göstərici

Lillarddan unikal göstərici

Demien Lillard NBA-da unikal göstəriciyə imza atıb. O, bunu “Miluoki”nin “San-Antonio” ilə matçında rəsmiləşdirib.

Lillard bu görüşdən sonra 20 min xal, 5 min ötürmə və 2 min üçxallıq atış səddini keçib. O, belə nailiyyətə sahib olan dördüncü basketbolçudur.

Demienə qədər yalnız Lebron Ceyms, Stefen Karri və Ceyms Harden buna nail olub.

33 yaşlı oyunçu cari mövsümdə 24 görüşdə orta hesabla 25,8 xal, 7,1 ötürmə və 4,5 ribaundla yadda qalıb.