ETOPAZ 
“Leykers” “Bruklin”lə ulduzlarsız oynayacaq
NBA-da mövsüm öncəsi oyunlara start verilir. Sabah “Leykers” və “Bruklin” arasında matç keçiriləcək.
Los-Anceles təmsilçisinin ulduzları bu qarşılaşmada iştirak etməyəcək. Bunu baş məşqçi Frenk Voqel açıqlayıb.
O bildirib ki, Lebron Ceyms, Rassell Uestbruk, Entoni Karmelo və Trevor Ariza “Bruklin”ə qarşı oynamayacaq. Trevor ayağındakı ağrılara görə oyunu buraxacaq. Digər üç ulduza isə istirahət veriləcək.
“Leykers”in digər oyunçusu Entoni Devis isə start heyətində yer alacaq. O, yalnız ilk hissədə meydanda olacaq.
