ETOPAZ 
Levandovskidən 18-ci qələbə
Almaniyanın “Bavariya” klubunun futbolçusu Robert Levandovski Çempionlar Liqasında yeni rekorda imza atıb. Polşalı hücumçu meydana çıxdığı ardıcıl 18 oyunda qələbəyə sevinib.
Bu, II turun Kiyev “Dinamo”su ilə görüşündə rəsmiləşib. 5:0 hesablı qələbə Levandovski üçün uğurlu seriyanın 18-ə çatması ilə nəticələnib.
O, 2019-cu ilin sentyabrından sonrakı bütün görüşlərdə meydandan qalib ayrılıb. Bu qarşılaşmada dubla imza atan Robert penaltidən qol vurub. O, Çempionlar Liqasında yerinə yetirdiyi 14 zərbənin hamısından yararlanıb. Levandovski 11 metrlik nöqtədən 100 faizlik göstəriciyə malik oyunçular arasında rekordçudur.
