ETOPAZ 
Levandovski Neymara çatdı
Robert Levandovski “Barselona”da 105-ci qolunu vurub. Bu göstərici ilə polşalı hücumçu Kataloniya təmsilçisinin sabiq braziliyalı hücumçusu Neymarın nəticəsinə çatıb.
Levandovski 2022-ci ildən “Barselona”da çıxış edir. Onun klubla müqaviləsi 2026-cı ilə qədər qüvvədədir. Hazırda futbolçunun transfer dəyəri 12 milyon avro civarında qiymətləndirilir.
Qeyd edək ki, “Barselona” La Liqanın turnir cədvəlində 16 xalla 2-ci pillədə qərarlaşıb. Komanda növbəti turda – sentyabrın 28-də “Real Sosyedad”ı qəbul edəcək.
