ETOPAZ 
Lebron üçün görünməmiş uğursuzluq
Uğursuz mövsüm keçirən “Leykers” növbəti məğlubiyyətini alıb. Los-Anceles təmsilçisi “Minnesota”ya uduzub – 104:124.
Kaliforniyalılar son 15 matçda 12 dəfə məğlubiyyətlə üzləşib. Mövsüm ərzində 29 qələbəsi olan komanda 40 dəfə azarkeşlərini məyus edib.
“Leykers”in ulduzu Lebron Ceyms debüt mövsümündən sonra ilk dəfə belə halla üzləşib. İndiyədək heç vaxt onun komandasının qələbə və məğlubiyyətlərinin balansı “-11” olmayıb. O, yalnız 2004-cü ildə “Klivlend”lə mövsümün yekununda 35-47 balansına məyus olub.
Ceymsin komandası ardıcıl 3-cü görüşün gedişində 25 xal geri düşüb. Bu da onun karyerasında indiyədək görünməmiş uğursuzluqdur.
