ETOPAZ 
Lebron Ceymsdən mütləq rekord
Lebron Ceyms NBA tarixinin rekorduna imza atıb. O, karyerası ərzində ən çox xal toplayan basketbolçu olub.
“Leykers”in ulduz hücumçusu “Oklahoma” ilə hazırda davam edən görüşün 3-cü hissəsinin sonlarında əfsanəvi Kərim Abdul Cabbarın rekordu qırıb. 38 yaşlı Lebron xal sayını 38 min 388-ə çatdırıb.
Kərimin rekordu 34 ildən sonra yenilənib. 1989-cu ildə karyerasını başa vuran əfsanənin 38 min 387 xalı var.
Abdul Cabbar bu qarşılaşmanı canlı izləyib.
Qeyd edək ki, Karl Meloun (36 928), Kobe Brayant (33 643) və Maykl Cordan (32 292) bu göstəricidə ilk “beşlik”də yer alıb.
