ETOPAZ 
La Liqa klubunda baş məşqçi dəyişikliyi
İspaniya La Liqasında növbəti baş məşqçi istefası gerçəkləşib. “Alaves” Xavyer Kalyexa ilə yollarını ayırıb.
Buna uğursuz nəticələr səbəb olub. 18 matçda 15 xal toplayan “Alaves” 18-ci pillədədir.
2021-ci ilin aprelində bu vəzifəyə təyin edilən Kalyexa ötən mövsüm komandanı La Liqada saxlamağı bacarıb. O, “Alaves”i ümumilikdə 29 matça çıxarıb. Onun rəhbərliyi altında 9 qələbə, 6 heç-heçə və 14 məğlubiyyət qeydə alınıb.
Onu Xose Luis Mendilibar əvəzləyib. Mütəxəssis mövsümün sonunadək komandaya rəhbərlik edəcək. 60 yaşlı çalışdırıcı “Levante”, “Osasuna” və “Eybar” kimi klublarda işləyib.
