ETOPAZ 
Kyellini “Yuventus”dan ayrılır
“Yuventus”un müdafiəçisi Corco Kyellini klubdan ayrılacaq. Təcrübəli futbolçu öz açıqlamasında bu barədə danışıb.
O, mövsümün sonunda Turin klubunu tərk edəcəyini təsdiqləyib:
“Yerimi gənclərə verirəm. Çünki növbəti mövsümdə burada olmayacam. Bazar ertəsi stadionda azarkeşlərlə vidalaşacam. “Fiorentina” ilə qarşılaşma isə son oyunum olacaq. Mən pərəstişkarı olacağım bu komanda ilə də vidalaşacam. “Yuventus” həmişə ürəyimdə olacaq”.
Qeyd edək ki, 37 yaşlı müdafiəçi 2005-ci ildən “Yuventus”da çıxış edir. Kyellini MLS klublarından təklif alıb.
