ETOPAZ 
Konfrans Liqasındakı təmsilçilərimizin rəqibləri bilindi
Konfrans Liqasında II təsnifat mərhələsinin püşkatma mərasimi keçirilib. Mərasimdə təmsilçilərimizin də rəqibləri müəyyənləşib.
Ölkəmizi bu turnirdə 3 klub təmsil edəcək. “Zirə” ilk duelini “Makkabi”yə (Təl-Əviv, İsrail) qarşı keçirəcək. Azərbaycan kubokunun finalçısının birinci oyunu evə təsadüf edəcək.
Səpələnmişlərin sırasında yer alan yeganə klubumuz “Neftçi” “Aris”i (Kipr) sınağa çəkəcək. Gümüş medalçılar ilk görüşünü səfərdə keçirəcək.
“Qəbələ” isə bu mərhələdə “Fehervar”la (Macarıstan) qarşılaşacaq. Ölkə 3-cüsü ilk matçını səfərdə keçirəcək.
