ETOPAZ 
Klopp 50-yə çatdı
Yurgen Klopp Çempionlar Liqasında 50-ci dəfə qələbə sevinci yaşayıb. “Liverpul”un baş məşqçisinin yubileyi 1/8 finalın “İnter”lə ilk oyununa təsadüf edib.
2:0 hesablı qələbə Kloppu turnirin tarixində 50 və daha çox oyunda qalib gələn 8-ci baş məşqçiyə çevirib. O, buna nail olan ilk almaniyalı mütəxəssisdir. Çempionlar Liqasının rekordu Aleks Ferqyusona məxsusdur. O, 102 qələbə sevinci yaşayıb.
Karlo Ançelotti 94, Pep Qvardiola 91, Arsen Venger 86, Joze Mourinyo 81, Lui van Qal 57, Rafael Benites 53 dəfə komandasının qələbəsini bayram edib.
