ETOPAZ 
Kevin əməliyyat olundu
Belçika millisinin və “Mançester Siti”nin futbolçusu Kevin de Bruyne əməliyyat olunub. Yarımmüdafiəçinin cərrahi müdaxiləsi uğurla keçib.
Onun əməliyyatı Antverpendə gerçəkləşib. Futbolçu yaxın müddətdə bərpa prosesinə başlayacaq.
Kevinin 3-4 aya meydanlara dönəcəyi gözlənilir. 32 yaşlı oyunçu Premyer Liqanın ilk turunun “Bernli” ilə qarşılaşmasında xəsarət aldığı üçün meydanı erkən tərk edib.
Qeyd edək ki, həmin oyunda mançesterlilər 3:0 hesablı qələbə qazanıb.
