ETOPAZ 
Kasatkina və Sobolenko “WTA Finals”da
Qadın tennisçilər arasında ilin yekun turnirinin daha iki iştirakçısı dəqiqləşib. Darya Kasatkina və Arina Sobolenko “WTA Finals”a vəsiqə qazanıb.
Bununla da Fort-Uortda iştirakı dəqiqləşənlərin sayı 7-yə çatıb. Onlara qədər İqa Şventek, Ons Jaber, Cesika Pequla, Koko Qauff və Karolin Qarsiya da bu hüquqa yiyələnib.
Yarışa sonuncu vəsiqənin sahibi Qvadalaxarada müəyyənləşəcək. Veronika Kudermetova və Mariya Sakkarinin 1/4 final qarşılaşması həlledici olacaq.
Kasatkina ilk, Sobolenko isə ardıcıl olmaqla ikinci dəfə yekun turnirində oynayacaq.
