ETOPAZ 
Karridən tarixi göstərici
“Qolden Steyt”in basketbolçusu Stefen Karri “Çikaqo” ilə qarşılaşmada 40 xal toplayıb. O, 119:93 hesablı qələbəyə 6 ikixallıq, 9 üçxallıq və 1 cərimə atışı ilə töhfə verib.
Karri bununla da NBA karyerası ərzindəki dəqiq üçxallıq atışların sayını 3359-a çatdırıb. O, liqanın tarixində yeni rekord müəllifi olub. Stefen 3358 belə atışı olan Rey Alleni arxada qoyub. Karri 585 matç keçirməklə buna imza atıb.
Lakin müntəzəm çempionatdakı üçxallıq atışlarda Allen (2973) Stefeni (2889) qabaqlayır.
Karri həm də karyerasında 36-cı dəfə bir oyun ərzində ən azı 9 dəfə üçxallıq zonadan dəqiq olub. Bununla da basketbolçu özünün sahibi olduğu NBA rekordunu yeniləyib.
