ETOPAZ 
Karri Lebronu keçdi
Stefan Karri 15-ci dəfə bir oyunda 50 və daha çox xal toplayıb. “Qolden Steyt Uorriorz”un basketbolçusu “Memfis Qrizzliz”lə qarşılaşmada 52 xal yığıb.
O, belə oyunların sayında Lebron Ceymsi arxada qoyub. “Los-Anceles Leykers”in ulduzu 14 belə matç keçirib.
Karri “Miluoki Baks”da çıxış edən Demyen Lillarda çataraq, 6-cı pilləyə şərik olub. Elcin Beylor (17 oyun), Ceyms Harden (24), Kobi Brayent (25), Maykl Cordan (25) və Uilt Çemberlendən (118) daha çox matçda 50 xal səddini fəth ediblər.
