ETOPAZ 
Karri “200”ə çatdı
Stefen Karrinin rekord seriyası 200-ə çatıb. “Qolden Steyt”in ulduzu müntəzəm çempionatın son 200 oyununda üçxallıq atış edib.
“Uorriorz”un basketbolçusu bu qarşılaşmaların hərəsində heç olmasa bir dəfə uzaqdan dəqiq atış müəllifi olub. Karrinin 200-cü belə matçı “Klivlend”ə qarşı keçirilib. Bu oyunda onun komandası 106:101 hesablı qələbə qazanıb.
Bu seriya 2018-ci il dekabrın 1-də başlayıb. İkinci ən uğurlu seriya da Karriyə məxsusdur. Onun aktivində 157 matçlıq ardıcıllıq da var.
