ETOPAZ 
Kanninqemdən rekord
2021-ci ilin draftının bir nömrəsi Keyd Kanninqem şəxsi rekorduna imza atıb. “Detroyt”un basketbolçusu bir matçda 29 xal toplayıb.
Bu, “Yuta” ilə qarşılaşmaya təsadüf edib. O, 126:116 hesablı qələbədə pay sahibi olub.
Keyd 38 dəqiqə ərzində 17 atışın 10-da dəqiq olub. Onun 4 cərimə atışı da dəqiq alınıb. Kanninqem 8 ötürmə, 2 topalma və 2 blok-şot müəllifi olub. Bu görüşə 22 xal geridə olan “Pistons” oyunda dönüş yarada bilib.
