ETOPAZ 
“Kəpəz” – “Qarabağ” matçının yeri dəyişdirildi
Azərbaycan Premyer Liqasının “Kəpəz” – “Qarabağ” və “Qarabağ” – “Kəpəz” oyunlarının yerləri dəyişdirilib. Bunu Peşəkar Futbol Liqasının mətbuat xidməti açıqlayıb.
“Qarabağ” klubunun müraciəti, “Kəpəz” klubunun razılıq məktubu ilə Azərbaycan Premyer Liqasının 2-ci dövrəsinin “Kəpəz” – “Qarabağ” və 3-cü dövrəsinin “Qarabağ” – “Kəpəz” oyunlarının yerləri dəyişdirilib. Bu addım “Qarabağ” klubunun Avropa Liqasının qarşıdan gələn “Bayer”lə oyununa daha yaxşı hazırlaşa bilməsi məqsədilə atılıb.
Qeyd edək ki, komandaların əvəzedici heyətləri arasında keçirilən görüşlərlə bağlı əvvəlcədən açıqlanmış cədvəldə heç bir dəyişiklik edilməyib.
