ETOPAZ 
İznerdən vida
ABŞ tennisçisi Con İzner gələcək karyerası ilə bağlı qərarını verib. Bunu amerikalının özü açıqlayıb.
O, “US Open”dən sonra karyerasını başa vuracaq. Bununla da tennisçinin ATP-dəki 17 illik çıxışı yekunlaşacaq.
İzner bu müddətdə 16 titul qazanıb. 2018-ci ildə “Uimbldon”un yarımfinalçısı olan tennisçi hazırda dünya reytinqində 158-cidir. Onun şəxsi rekordu 8-ci pillədir.
Qeyd edək ki, “US Open” avqustun 28-dən sentyabrın 9-dək keçiriləcək.
