ETOPAZ 
İspaniya darmadağınla başladı
Dünya çempionatının 1-ci turunun növbəti matçları keçirilir. İspaniya millisi Kosta Rika ilə qarşılaşıb.
Matça pireneylilər üstün başlayıb. Bu fəallıq özünü hesabda da göstərib. “Qırmızılar” 31 dəqiqəyə 3 qol vurmağı bacarıb. İkinci hissə də eyni ssenari ilə keçib. İspanlar 74-cü dəqiqədə daha bir dəfə fərqlənib. Luis Enrikenin yetirmələri oyunun son dəqiqələrində 2 qol da vuraraq 7:0 hesabı ilə qalib gəlib.
Qeyd edək ki, qrupun digər matçında Almaniya Yaponiyaya uduzub – 1:2.
