İspaniya – Almaniya matçında qollu sülh

İspaniya – Almaniya matçında qollu sülh

DÇ-2022-də səkkizinci oyun günü başa çatıb. E qrupunda II turun son matçında İspaniya və Almaniya üz-üzə gəlib.

Avropa yığmalarının duelində ilk 45 dəqiqə qolsuz başa çatıb. Fasilədən sonra hesabı açan ispanlar olub. Alvaro Morata Bundestimi çətin vəziyyətlə üz-üzə qoyuib.

Lakin Hans-Diter Flikin yetirmələri məğlubyyətdən qaça bilib. Niklas Fullkruq hakimin final fitinə 7 dəqiqə qalmış hesaba tarazlıq gətirib. Bu heç-heçədən sonra İspaniya 4 xalla qrup lideridir. Yaponiya və Kosta-Rikanın hərəyə üç, Almaniyanın bir xalı var.

Qeyd edək ki, qrupda son turun matçları dekabrın 1-də keçiriləcək.