İlin ən yaxşıları bəlli oldu

İlin ən yaxşıları bəlli oldu

Beynəlxalq Futbol Tarixi və Statistikası Federasiyası (IFFHS) klublar üzrə ilin ən yaxşı baş məşqçisinin adını açıqlayıb.

Siyahıya Fransanın PSJ klubunun baş məşqçisi Luis Enrike başçılıq edir. İspaniyalı mütəxəssis 222 xal toplayaraq birinci pillədə qərarlaşıb.

İkinci yeri İngiltərənin “Çelsi” klubunu çalışdıran Entso Mareska (60 xal) tutub. İlk üçlüyü isə İspaniyanın “Barselona” komandasının baş məşqçisi Hans-Diter Flik (57 xal) tamamlayıb.

İlk “5-lik”də Almaniyanın “Bavariya” klubunun baş məşqçisi Vensan Kompani (42 xal) və İngiltərənin “Arsenal” komandasını çalışdıran Mikel Arteta (24 xal) yer alıblar.

Qeyd edək ki, IFFHS-in illik reytinqi baş məşqçilərin mövsüm ərzində əldə etdiyi nəticələr və komanda performansları əsasında formalaşdırılır.