ETOPAZ 
İbrahimoviç 2 oyunu buraxacaq
Zlatan İbrahimoviç “Milan”ın qarşıdakı oyunlarını buraxacaq. Buna isveçli hücumçunun zədəsi səbəb olub.
Eyni səbəbdən “İnter”lə Milan derbisini (2:1) buraxan forvard “Latsio” ilə kubok, “Sampdoriya” ilə çempionat matçlarından da kənar qalacaq. Bu qarşılaşmalar fevralın 9-da və 13-də keçiriləcək.
“Yuventus”la yanvarın 23-də baş tutan görüşdə zədələnən futbolçunun gələn həftə meydana dönəcəyi gözlənilir. 40 yaşlı veteran futbolçu cari mövsüm 19 matçda 8 qol vurub.
