ETOPAZ 
Hidayət Heydərov dünya çempionudur
Azərbaycan cüdoçusu Hidayət Heydərov dünya çempionu olub. O, BƏƏ-nin paytaxtı Abu-Dabidə keçirilən cüdo üzrə dünya çempionatında fərqlənib.
73 kq çəkidə çıxış edən dördqat Avropa çempionu mundialda Akil Qyakova (Kosovo), Salvador Roça (İspaniya), Daniel Karqninə (Braziliya) qalib gələrək yarımfinala yüksəlib.
Finalın bir addımlığında İqor Vandtkeni (Almaniya) məğlub edən Hidayət həlledici görüşdə Tatsuki İşihara (Yaponiya) üzərində qələbə qazanıb. Bununla da Heydərov ilk dəfə dünya çempionu olub.
