ETOPAZ 
Halanddan rekord
“Mançester Siti”nin futbolçusu Erlinq Haland yeni rekorda imza atıb. O, “şəhərlilər”in sabiq hücumçusu Serxio Aqueroya məxsus göstəricini yeniləyib.
Norveçli forvard bunu Premyer Liqanın 21-ci turunda rəsmiləşdirib. “Vulverhempton”la oyunda het-trik edən Erlinq cari mövsüm “Etihad”da vurduğu qollarının sayını 19-a çatdırıb. O, buna 11 qarşılaşmada nail olub. Aquero 2011/12 mövsümündə ev oyunlarında 16 qol vurub.
