ETOPAZ 
Həftənin oyunçusu adına namizədlər bəlli oldu
Çempionlar Liqasında Liqa mərhələsinin VII turuna yekun vurulub. Keçirilən matçlardan sonra həftənin futbolçusu adına namizədlər bəlli olub.
Mükafat uğrunda 4 futbolçu mübarizə aparacaq. Bunlar “Real”dan Vinisius Junior, “Barselona”dan Fermin Lopez, “Sportinq”dən Luis Suarez və “Atletik”dən Robert Navarrodur.
Portuqaliya klubunun hücumçusu PSJ ilə matçda (2:1) dubl edib. Bilbao təmsilçisinin futbolçusu Navarro “Atalanta” ilə görüşdə (3:2) bir qol və iki məhsuldar ötürmə ilə yadda qalıb.
“Real”ın braziliyalı forvardı “Monako” ilə dueldə bir dəfə fərqlənib və iki assist müəllifi olub. Lopez isə “Slaviya”nın qapısından iki qol keçirib.
