İlkin Fikrətoğlu 
Günün kuponu – 26.01.2022
Mali – Ekvatorial Qvineya – 2,5 alt
Qeyri-adi bir proqnoz deyil. Komandaların qrup mərhələsində keçirdiyi bütün oyunlar 2,5 alt bitib. Ekvatorial Qvineya yığmasının hər 3 oyununda 1:0 hesabı qeydə alınıb. Mali millisi də rəqibi kimi qrup mərhələsində qapısından cəmi 1 qol buraxıb. Fikrimcə, pley-off matçı olduğundan tərəflər 1/4 finala vəsiqə üçün daha da ehtiyatlı oynayacaq. Bu və digər amillər görüşün 2,5 altla yekunlaşacağına inamımı artırır.
“Anderlext” – “Serkl Brügge” – qol/qol
“Anderlext”in 2022-ci ildə keçirdiyi hər 2 oyunda 2,5 alt qeydə alınıb. Amma statistika hər oyun haqda belə düşünməyə əsas vermir. 23 oyuna 52 qol vuran komandadan bu tur hətta darmadağın da gözləmək olar. “Serkl Brügge” də “asan yem” deyil. 23 turda top balansının 33:29 olması komandanın qol vurub-buraxmağa “meylli” olmasından xəbər verir. Ona görə bu matçdan qol/qol gözləməyə dəyər.
“Eupen” – “Standard” – 2
Hər iki komanda ay yarımdır qələbə üzünə həsrətdir. “Standard” 2022-ci ildə keçirdiyi hər 2 oyunda Belçika futbolunun “nəhəngləri” ilə qarşılaşıb və hər iki oyun heç-heçə bitib (“Brügge” ilə 2:2, “Anderlext”lə 1:1). “Eupen” isə son 2 turda 1 xal qazanıb. Aralarındakı duellərdə adətən qalib gələn “Standard”ın səfərdə oynamasına baxmayaraq yenə meydandan 3 xalla ayrılacağını düşünürəm.
