Anar Şabanoğlu 
Günün kuponu – 22.12.2024
Şamaxı – Sabah 2
“Şamaxı”nın heyəti Premyer Liqada ən zəiflərdən olsa da, Ayxan Abbasov yaxşı kollektiv formalaşdıra bilib. “Qarabağ”ın Şamaxıdakı son matçda böyük çətinliklə 3 xal qazanması da dediyimin sübutudur. Amma ardıcıl 2 oyunda güclü rəqiblərlə bərabər mübarizə aparmaq çətindir. Etopaz bu qarşılaşmada favorit “Sabah”ın qələbəsinə cəlbedici əmsal verir. Zənnimcə, bu fürsətdən istifadə etmək olar.
Kayserispor – Qalatasaray 2
“Kayserispor” qeyri-sabit futbol sərgiləyən komandadır. Turnir cədvəlindəki mövqeyi də meydan sahiblərinin yaxşı durumda olmadığını isbatlayır. Öz meydanında aşkar autsayder “Adana Dəmirspor”dan sonra ən xal toplayan komandadır. “Qalatasaray” rəqibindən hərtərəfli üstündür. Daha güclü olan qonaqların qələbəsinə mərc edirəm.
Trabzonspor – Bodrumspor 1
“Trabzonspor” azarkeşlərinin ümidlərini doğrultmur. Komanda heç kimin gözləmədiyi qədər aşağı sıralardadır. Amma trabzonlular hər durumda doğma şəhərdə fərqli çıxış etməyi bacarır. Meydan sahiblərinin bu dəfə azarkeşlərinin dəstəyilə 3 xal əldə edəcəyini proqnozlaşdırıram.
