İlkin Fikrətoğlu 
Günün kuponu – 18.11.2022
Belçika – Misir – 1
Belçika millisi mundial ərəfəsində son yoxlama matçını Küveytdə Misir millisinə qarşı keçirəcək. Heyəti yüksək səviyyəli oyunçulardan qurulan “qırmızı iblislər” matçın aşkar favoritidir. Yoldaşlıq oyunu olsa belə, Belçika yığması dünya çempionatına yaxşı əhval ruhiyyədə başlamaq üçün qələbəyə oynayacaq.
“Leçiya” – “Qurnik Zabrze” – QOL/QOL
Polşa çempionatında yanvarın 27-dək, 2 aydan çox müddətə fasilə verilib. Bu oyun 2-ci turdan təxirə salınmış matçdır. 2022-ci ilin son matçının qarşılıqlı qollarla keçəcəyini düşünmək üçün yetərincə əsas var. İlk növbədə hər iki komandanın bərbad müdafiə xətti. 16 turda “Leçiya” qapısından 29, “Qurnik” isə 26 top buraxıb. Komandaların öz aralarındakı oyunların da əksəri qarşılıqlı qollarla keçib. Bir sözlə, qol /qol variantına güvənirəm.
Bellinzona” – “Tun” – QOL/QOL
“Bellinzona” 16 turda qapısında 30 qol görüb. 23 dəfə isə rəqib qapılarına yol tapıb. “Tun” da bu baxımdan ondan geri qalmır. Top balansı 24:28. Belə “vurub-buraxan” komandaların duelində qarşılıqlı qollar ən optimal mərc variantıdır.
