Anar Şabanoğlu 
Günün kuponu – 18.09.2025
Kopenhagen – Bayer Leverkuzen 2
Oktyabrın 1-i Bakıda “Qarabağ”la qarşılaşacaq “Kopenhagen”in oyununda eniş var. Komanda son matçda “Brondbü”yə məğlub olub. Qonaqların da durumu o qədər də ürəkaçan deyil. Amma son oyunda yeni baş məşqçi danimarkalı Kasper Yulmanla “Ayntraxt Frankfurt”u məğlub etməyi bacardılar. Özü də azlıqda qala-qala. Bu fakt sözsüz ki, leverkuzenlilərin psixoloji durumuna da müsbət təsir edib. Əliyar Ağayevin baş hakim olacağı matçda qonaqların qələbəsinə mərc edirəm.
Klub Brügge – Monako QOL/QOL
Komandalar etibarlı müdafiələri ilə seçilmir. Hücum xəttində isə daha inamlı təsir bağışlayırlar. Hər iki komanda keçirdikləri son 5 matçdan cəmi birində qol vura bilməyib. Zənnimcə, bu qarşılaşmadan qarşılıqlı qollar gözləməyə dəyər.
Ayntraxt Frankfurt – Qalatasaray QOL/QOL
Bukmekerlər bu matçda meydan sahiblərini favorit görür. Amma “Qalatasaray”ı hesabdan silməyin erkən olduğu qənaətindəyəm. Hər iki komanda məhsuldar futbol sərgiləyir. Fikrimcə, qarşılıqlı qollara mərc etsək yanılmaq ehtimalımız az olar.
