Anar Şabanoğlu 
Günün kuponu – 17.10.2025
Kızıl Jar – Kayrat 2
Qazaxıstan çempionatının lideri Çempionlar Liqası sınağı öncəsi özündən xeyli zəif rəqiblə qarşılaşacaq. “Astana”nı cəmi 2 xal qabaqlayan “Kayrat”a mütləq qələbə lazımdı.
Qonaqların bu vəzifənin öhdəsindən gələcəyini düşünürəm.
Şamaxı – Kəpəz QOL/QOL
Turnir cədvəlinin quyruğunda qərarlaşmış “Kəpəz” Azər Bağırovun gəlişindən sonra ilk matçda sərgilədikləri futbolla azarkeşlərinə ümid verdi. “Qarabağ”la qarşılaşmadan sonra çempionatdakı fasilə gəncəlilər üçün xüsusi faydalı ola bilər. Zənnimcə, Şamaxıda keçiriləcək turun açılış matçında gərgin mübarizə və qarşılıqlı qollara şahidlik edəcəyik.
Turan – Qarabağ 2
Tovuzlu azarkeşlər turnir cədvəlinə baxanda yəqin ki, bu durumun sonacan dəyişməməyini arzulayır. “Turan Tovuz”dan 1 oyun az keçirən “Qarabağ”a rəqibi liderlik mövqeyindən düşürmək üçün 1 qələbə bəs edir.
Bilbao səfərindən əvvəl çempion futbolçular nə qədər özünü qorumağa çalışsa da “Azersun Arena”da xal itkisinə yol verəcəkləri inandırıcı görünmür.
