Anar Şabanoğlu 
Günün kuponu – 16.02.2025
Liverpul – Vulverhemton Liverpul sıfırla qazanacaq
“Liverpul” “Everton”la qalmaqallı derbidən sonra nisbətən rahat rəqiblə qarşılaşacaq. Meydan sahiblərinin bu matçda qalib gələcəyi demək olar ki, şübhə doğurmur. Amma daha yaxşı əmsal istəyiriksə, o zaman Van Daykın başçılıq etdiyi müdafiə xəttinin qol buraxmayacağına mərc edə bilərik.
Neftçi – Qarabağ Ağdam 2
“Neftçi” ardıcıl 3 oyundur qələbə qazanır. Komanda yavaş-yavaş özünə gəlir. “Zirə”ni səfərdə udmaqla azarkeşlərinin ümidlərini daha da artırdılar. Amma “Qarabağ”a da Kadinin qayıdışı ilə yeni nəfəs gəlib. Komanda “Səbail”lə son oyunda 15 dəqiqəyə 5 qol vurub çempionatda əsrin rekordunu qırmaqla gücünü bir daha ortaya qoydu. Düşünürəm ki, bu qarşılaşmada favorit qalib gələcək.
Fənərbağça – Kasımpaşa 1
“Kasımpaşa” Superliqada ardıcıl 3 oyundur qalib gəlir. Amma bu dəfə rəqib Türkiyə çempionatında son 6 matçda qələbə qazanan, son qarşılaşmada “Anderlext”i 3:0 hesabı ilə darmadağın edən “Fənərbağça”dır. “Kasımpaşa”ya olan bütün hörmətimə rəğmən qonaqların bu çətin səfərdən xal götürə biləcəyinə inanmıram.
