İlkin Fikrətoğlu 
Günün kuponu – 15.12.2025
FK TSC Baka Topola – Srvena Zvezda – 1-ci hissə 2
Ötən tur öz meydanında gözlənilmədən “Voyvodina”ya uduzan Srvena Zvezda (0:1) əzəli və əbədi rəqibi Partizandan artıq 5 xal geri qalır. Belqrad təmsilçisi üçün növbəti xal itkisi yol verilməzdir. Srvena Zvezda son 5 ildə “TSC Baka Topola”ya qarşı oynadığı 12 matçın 10-da qalib gəlib, 2-də heç-heçə edib. Məncə, Srvena Zvezda ötən turdakı məğlubiyyətin “heyfini” bu oyunda çıxacaq. Həm ilk hissənin, həm də oyunun yekununda meydan sahibinin qalib olacağını düşünürəm.
Fənərbağça – Konyaspor – 1-ci hissə – 1
Superliqada son 2 turda heç-heçə oynayan Fənərbağça lider Qalatasaraydan 6 xal geri qalır, üstəlik, 2-ci sıranı da Trabzonspora “təhvil verib”. Azı 2-ci sıranı geri qaytarmaq üçün “sarı-lacivərdlilər” son 5 turda qələbəsiz qalan Konyasporu məğlub etməlidir. Öz meydanında bu rəqibə qarşı keçirdiyi son 4 oyunu qazanan Fənərbağçanın bu dueldə də üstün olacağını, qələbənin əsasının isə ilk yarıda qoyulacağını təxmin edirəm.
FK Makabbi Təl Əviv – Hapoel Peta Tikva – 1
“Makabbi Təl Əviv” bu mövsüm özünə bənzəmir. Avroliqada “Ştutqart”dan ağır məğlubiyyət, ondan əvvəl isə İsrail Liqasında “Hapoel Beer Şeva”ya uduzması komandada yəqin ki, psixoloji gərginlik yaradıb. Artıq onları 1-ci yerdən 8 xal ayırır. Hapoel Peta Tikva isə son 14 ildə Makabbi Təl Əvivi məğlub edə bilməyib. Təl Əviv klubunun ehtiyacı olduğu qələbəni bu matçda qazanacağını təxmin edirəm.
