Gündüz Abbaszadə 
Günün kuponu – 03.10.2023
Luton – Börnli 2,5 ÜST
İngiltərə premyer liqasının debütantı Luton cari mövsümdə artıq qələbəyə sevinib. Börnli isə uğursuz startla yadda qalıb. Qələbəyə həsrət qonaqların zəif görünən Lutonla qarşılaşmada riskə gedəcəyini, açıq futbol olacağını təxmin edirəm. Bu oyunda kimin qələbə qazanacağını demək çətindi. Amma bol qollu matç olacağını ehtimal etmək olar. Odur ki, ən doğru seçim olaraq, 2,5 üst variantını təklif edirəm.
Napoli – Real QOL/QOL
Çempionlar liqasında gecənin ən maraqlı oyunu desəm, yanılmaram. Hər iki komandanın hücum xətti göz qamaşdırır. Lakin, həm italyanların, həm də ispanların müdafiəsi bəzi oyunlarda inamlı təsir bağışlamır. Bu qarşılaşmada ən ideal seçim qarşılıqlı qollar oladı. Hətta hər iki komandanın ilk hissədə qol vuracağını düşünürəm.
Mançester Yunayted – Qalatasaray 1
Mançester Yunayted ilk turda Bayernlə səfər oyununda qol vurmaq potensialını və iddiasını göstərdi. Qrupda favoritlərdən biri olduğunu söyləməklə yeni nəsə kəşf etmirəm. Qalatasaray isə ilk oyunda xeyli əziyyət çəkdi. Yalnız rəqib azlıqda qaldıqdan sonra türkiyəlilər heç-heçəni “xilas” edə bildilər. Görünən odur ki, Qalatasarayın bu qrupda gücü yalnız Kopenhagenlə rəqabətə çatacaq. Mançester Yunaytedin “Old Trafford”da rahat qələbə qazanacağını düşünürəm.
