Futbolçular FİFA-nın ideyasına qarşı
Peşəkar Futbolçular Assosiasiyalarının Beynəlxalq Federasiyası (FIFPro) FIFA-nın dünya çempionatının iki ildən bir keçirilməsi ideyası ilə bağlı sorğu keçirib. Rəyi soruşulan oyunçuların 75 faizi mundialın iki ildən bir təşkilinə qarşı çıxıb.
Avropa və Asiyada oyunçuların 77 faizi, amerikadakıların isə 73 faizi dünya çempionatının hazırkı modelinin lehinə səs verib. Afrikada isə bu, 49 faiz təşkil edib.
Sorğuda iştirak edən futbolçuların 81 faizi sevimli turnirlər kimi ölkə çempionatını və dünya çempionatını adlandırıb.
Sorğuda ümumilikdə karyerasını davam etdirən 1000 oyunçu iştirak edib.