ETOPAZ 
Füllkruq “Milan”la anlaşdı
“Vest Hem”də ayrılıq yaşanacaq. Komandanın hücumçusu Niklas Füllkruq klubu tərk edəcək.
O, “Milan”la anlaşıb. Tərəflər razılığa gəliblər, danışıqlar son mərhələdədir.
Hücumçu İtaliya klubuna yarım illik icarə əsasında keçəcək. “Milan” oyunçunu sonradan birdəfəlik almaq hüququnu da özündə saxlayacaq.
A Seriyası təmsilçisi icarə müddətində futbolçunun tam maaşını ödəyəcək, lakin icarə haqqı verməyəcək.
