e-Topaz 
Fransa klublarına cəza
Fransa Peşəkar Futbol Liqasının (LFP) İntizam Komissiyası stadionlarda yaşanan qalmaqallarla bağlı cəzaları açıqlayıb. Azarkeşlər arasında baş verənləri müzakirə edən qurum Liqa1-in dörd klubunu cəzalandırıb.
“Lill”, “Lans” və “Marsel”in hesabından şərti 1 xal silinib. Bu, o deməkdir ki, belə hadisə təkrarlansa, onların aktivindən bir xal silinməli olacaq.
“Lill” və “Marsel” azarkeşləri dekabrın 31-dək səfər oyunlarında iştirak qadağası ilə üzləşib. “Lans”la “Anje” artıq bir qarşılaşmanı tamaşaçısız keçirdiklərindən 20 min avro cərimə ödəyəcək.
