ETOPAZ 
Fransa 1/8 finalda
DÇ-2022-də D qrupunda II tura yekun vurulub. Çempionatın yeddinci günündə Fransa və Danimarka qarşılaşıb.
Oyundakı qollar ikinci hissəyə təsadüf edib. Hesabı son dünya çempionu açıb. Kilian Mbappe danimarkalıların qapısına yol tapıb.
Şimallılar Andreas Kristensenin qolu ilə hesaba tarazlıq gətirib. Lakin Mbappe qarşılaşmanın sonlarında yenidən rəqib qapısına yol tapıb – 2:1.
Dubl müəllifi olan Kilian Fransaya 3 xal və 1/8 finala vəsiqə qazandırıb. “Üçrənglilər” DÇ-2022-də qrupdan çıxan ilk komanda olub.
Qeyd edək ki, qrupun digər matçında Avstraliya Tunisi 1:0 hesabı ilə məğlub edib. Bu turdan sonra Fransanın 6, Avstraliyanın 3, Danimarka və Tunisin hərəyə 1 xall var.
