ETOPAZ 
“Flamenqo”dan təklif
Braziliya millisinin sabiq futbolçusu David Luis özünə yeni klub tapıb. 34 yaşlı müdafiəçi Braziliyanın A seriyasında çıxış edə bilər. İngiltərənin “Arsenal” klubundan ayrıldıqdan sonra azad agent statusu alan Luis “Flamenqo” ilə danışıqlar aparır. Müdafiəçiyə 2 illik müqavilə təklif olunub.
Xatırladaq ki, vətənində “Vitoriya”da oynamış David 14 ildən sonra Braziliya çempionatına qayıtmaq imkanı qazanıb. O, bu müddətdə Portuqaliyada “Benfika”, İngiltərədə “Çelsi” və “Arsenal”, Fransada PSJ-nin formasını geyinib.
