ETOPAZ 
“Fiorentina”dan 14 milyonluq transfer
“Fiorentina” heyətinə yeni futbolçu qatıb. İtaliya klubu Jonatan İkonenin “Lill”dən transferini razılaşdırıb.
Bunu Fransa təmsilçisinin mətbuat xidməti açıqlayıb. Yarımmüdafiəçi İtaliyada transfer pəncərəsinin açılacağı yanvarın 3-də rəsmi müqavilə imzalayacaq.
Lakin “Lill”in razılığı ilə indidən İkone yeni komandası ilə məşq keçə biləcək. Onun transferi 14 milyon avroya başa gəlib. Daha bir 1 milyon məbləğində bonuslar nəzərdə tutulub. Futbolçunun gələcək satışından 15 faiz də “Lill”ə çatacaq.
