“Fiorentina” “Vilyarreal”ın hücumçusunu istəyir

“Fiorentina” “Vilyarreal”ın hücumçusunu istəyir

“Fiorentina” heyətini gücləndirmək niyyətindədir. Klub “Vilyarreal”ın hücumçusu Bulaye Dia ilə maraqlanır.

İtaliyalılar hələ ki, rəsmi təkliflə çıxış etməyib. Lakin yaxın vaxtlarda 26 yaşlı seneqallının transferi ilə bağlı danışıqlara başlanılacağı gözlənilir.

Qeyd edək ki, Dia 2022-23 mövsümündə icarə əsasında “Salernitana”da çıxış edib. O, komandanın heyətində 33 matçda 16 qol və 6 məhsuldar ötürmə ilə yadda qalıb.