ETOPAZ 
Fernandu Santuş: “Avropa çempionatına vəsiqə qazanmaq üçün hər bir şərait var”
Azərbaycan millisinə yeni baş məşqçi təyin olunan Fernandu Santuşun təqdimat mərasimi keçirilib. Təcrübəli portuqaliyalı mütəxəssis AFFA-ya ona etimad göstərdiyi üçün təşəkkür edib:
“Onların gələcəklə bağlı fikirlərini bilmək mənim üçün maraqlı oldu. Qərarımda bu kimi məsələlər önəmli idi. Təbii ki, bu qarşılıqlı anlaşma gələcək layihələri həyata keçirmək baxımından önəmli idi. Burdayamsa, AFFA rəhbərliyi məni seçib. Doğurdan da, təklif cəlbedici oldu. Ona görə burdayam ki, daha öndə olaq. Bu səbəbdən də qəbul etdim. Gürcüstanın AVRO-2024-də iştirakı bizim üçün motivasiyadır. Qazaxıstan da yaxın idi. 2028-ci ildə Avropa çempionatına vəsiqə qazanmaq üçün hər bir şərait var. Təkcə mənim yox, sizin də dəstəyiniz önəmlidir. Xalqın inamı və dəstəyi lazımdır. Uğur anidən göydən düşmür. Çox təəssüf ki, əvvəlki seçmə mərhələlərdə Azərbaycan səhv edib, alınmayıb. Mənim üçün də əsas motivasiya bunu dəyişməkdir. İnanıram ki, bu bizdə alınacaq. Onu da qeyd edim ki, mən komandamla birgə Azərbaycanda yaşayacam. Bu layihəni həyata keçirmək üçün mədəniyyətinizlə yaxından tanış olacağıq. Ailəm də burada qalacaq”.
