ETOPAZ 
Fernandes karyerasını bitirir
Rudi Fernandes karyerasını bitirəcək. 39 yaşlı idmançı bunu özü açıqlayıb.
Fernandes çıxış etdiyi klublara bütün varlığı ilə bağlı olduğunu deyib. O, gələcəkdə də sevimli idman növü olan basketboldan zövq alacağını bildirib.
Rudi karyerası ərzində “Xoventud”, “Portlend”, “Denver” və “Real”da çıxış edib. O, 3 dəfə Olimpiya Oyunlarının (2008, 2012, 2016) mükafatçısı olub, iki dəfə dünya çempionu titulunu qazanıb (2006, 2019). Fernandes 4 dəfə Avropa çempionatının qızıl medallarına yiyələnib (2009, 2011, 2015, 2022).
Qeyd edək ki, Rudi 6 dəfə Olimpiya Oyunlarında iştirak edən ilk basketbolçu olub.
