ETOPAZ 
Entoni Devisdən görünməmiş müqavilə
NBA-nın ulduz basketbolçusu Entoni Devisin taleyinə aydınlıq gəlib. Hücumçu “Leykers”də qalacaq.
Los-Anceles klubu Devislə müqavilənin uzadılması barədə razılığa gəlib. O, yeni anlaşma ilə üç ildə 186 milyon dollar qazanacaq. Bu müqavilə 2025-ci ildən qüvvəyə minəcək. Belə ki, forvardın indiki anlaşması iki ildən sonra bitməlidir.
Entoni yeni müqavilə ilə NBA tarixinə düşüb. Onun illik maaşı 62 milyon olacaq. Bu, liqanın tarixində mütləq rekorddur.
