Ən çox qazanan idmançılar

Ən çox qazanan idmançılar

Ən çox qazanan idmançılar açıqlanıb.  “Sportico”nun tərtib etdiyi cədvəldə idmançıların maaşları, bonuslar, mükafatlar, həmçinin idmanətrafı sahələrdən qazanclar nəzərə alınıb. İdmançıların karyeraları ərzində və ondan sonra qazandıqları məbləğə əsasən hazırlanan siyahıya Maykl Cordan başçılıq edir.

Basketbol əfsanəsi 3 milyard 750 milyon dollar qazanıb. İlk “onluq”da üç qolfçu, üç futbolçu, iki basketbolçu yer alıb. Tennis və boks siyahıya bir təmsilçisi ilə düşüb. Futbolçular arasında Kriştiano Ronaldo hamını qabaqlayır. Lionel Messi ikinci, Devid Bekhem üçüncüdür.

1. Maykl Cordan (basketbol) – 3,75 milyard dollar

2. Tayqer Vuds (qolf) – 2,66

3. Kriştiano Ronaldo (futbol) – 1,92

4. Arnold Palmer (qolf) – 1,75

5. Lebron Ceyms (basketbol) – 1,7

6-7. Cek Niklaus (qolf) – 1,67

Lionel Messi (futbol) – 1,67

8. Devid Bekhem (futbol) – 1,5

9. Rocer Federer (tennis) – 1,49

10. Floyd Meyvezer (boks) – 1,48