ETOPAZ 
Əliyar Ağayev ÇL matçında
Azərbaycanın FIFA referisi Əliyar Ağayev UEFA Çempionlar Liqasının qrup mərhələsində oyuna təyinat alıb. Sentyabrın 18-də Danimarkada keçiriləcək “Kopenhagen” – “Bayer” matçını o idarə edəcək.
Beynəlxalq dərəcəli hakimin köməkçiləri kimi Zeynal Zeynalov və Akif Əmirəli fəaliyyət göstərəcək. Görüşün dördüncü hakimi Elçin Məsiyev olacaq.
Qeyd edək ki, qarşılaşmanın start fiti Bakı vaxtı ilə saat 20:45-də çalınacaq.
