ETOPAZ 
Dominqes yarımfinala vəsiqə qazandı
Alfonso Dominqes Paris-2024 Yay Olimpiya Oyunlarının medalını təmin edib. 92 kq çəkidə çıxış edən boksçumuz buna yarımfinala vəsiqə qazanmaqla nail olub.
92 kq çəkidə çıxış edən təmsilçimiz 1/4 finalda qüvvəsini sınayıb. O, Aybek Oralbayla (Qazaxıstan) üz-üzə gəlib. Boksçumuz rəqibini 3:2 (28:29, 29:28, 28:29, 29:28, 29:28) hesabı ilə məğlub edib.
İdmançımız 1/4 final səddini adlamaqla ən azı bürüncə sahib çıxacaq. Bu, Alfonsonun Olimpiadalar tarixində 2-ci medalı olacaq.
O, Azərbaycan boksu tarixində ikiqat Olimpiya mükafatçısı olan ilk idmançıdır. Alfonsoya qədər heç bir boksçumuz belə uğura imza atmayıb.
