Diniyev 200-ə çatdı

Diniyev 200-ə çatdı

“Səbail” Azərbaycan Premyer Liqasının 36-cı turunda “Şamaxı”nı 1:0 hesabı ilə məğlub edib. Bakı klubu bu vacib oyunda uduzmamaqla 9-cu yeri tutub.

“ASCO Arena”dakı matç paytaxt təmsilçisinin baş məşqçisi Şahin Diniyev üçün də əlamətdar olub. 57 yaşlı mütəxəssis Premyer Liqada 200-cü oyununu keçirib.

O, 2001/02 mövsümündə “Qarabağ-Azərsun”un baş məşqçisi kimi ölkə çempionatında debüt edib. Sonradan “Rəvan” və “Kəpəz”i də çalışdıran mütəxəssis yarışın tarixində 200 və daha çox matça komanda çıxaran 11-ci məşqçidir. Diniyevin komandaları bu müddətdə 80 qələbə qazanıb, 47 heç-heçə edib və 73 dəfə uduzub.

ETOPAZ

Əvvəlki yazı

“Yuventus” 12 ildən sonra

Növbəti yazı

Mahmudovdan 50 qol