ETOPAZ 
Dibaladan 100-cü qol
Paulo Dibala A seriyasında 100-cü qolu vurub. “Roma”nın futbolçusu IV turun “Montsa” ilə qarşılaşmasında dubla imza atıb.
3:0 hesablı qələbədə pay sahibi olan argentinalı bununla da 100 qola çatıb. 28 yaşlı hücumçu 275-ci matçında buna nail olub. Dibala A seriyasında üç komandada fərqlənib.
O, “Palermo”da 16, Yuventus”da 82, “Roma”da 2 qola sevinib. Dibala həm də assist sayını 50-yə çatdırıb. O, 2004/05 mövsümündən indiyədək A seriyasında 50 və daha çox məhsuldar ötürmə verən 8-ci oyunçu olub.
