ETOPAZ 
Depay daha 2 oyunda olmayacaq
“Barselona”nın hücumçusu Memfis Depay hələ də zədəsini sağaltmayıb. Ulduz futbolçunun bərpa prosesi gözləniləndən ləng gedir.
Əzələsindəki problem səbəbindən hələ də fərdi məşqlərlə kifayətlənən 27 yaşlı forvard komandanın Avropa Liqasının 1/16 mərhələsində “Napoli” ilə ilk oyununu (17 fevral) buraxacaq. Niderland millisinin üzvü həmçinin fevralın 20-də La Liqanın XXVII turu çərçivəsində “Valensiya” ilə görüşdə də iştirak edə bilməyəcək. Hücumçu yalnız fevralın 24-də İtaliya klubu ilə cavab görüşündə məşqçilər korpusunun sərəncamında olacaq.
Qeyd edək ki, Memfis Depay bu mövsüm “Barselona”nın heyətində 23 oyunda 8 qol vurub, 2 məhsuldar ötürmə verib.
